Pidato Bahasa Jawa

Nama   : Lia Fitriana.

NIM    : 113511047.

Kelas   : TBI 6A.

السلام عليكم وراحمة الله وبراكا ته

الحمد لله ربِّ العالمين وبه  نستعين  وعلي امرالدني والدين  و الصلاة و السلام علي اصرف الا نبياؤ و المرسلين وعلي اله وصحبه اجمعين .

Dumateng panjenengan bapak Sudjai ingkang kawulo hormati, selaku dekan Fakultas Ilmu Tarbiyah lan pendidikan.

Lan Dumateng panjenengan ibu Maftukhah ingkang kawulo hormati, selaku dosen mata kuliah islam dan kebudayaan jawa.

Mboten kesupen mahasiswa-mahasiswi IAIN ingkang minulyo.

Sakderengipun kulo matur, monggo kito sedoyo muji syukur wonten ngarso dalem Allah S.W.T. kanti waosan  “Alhamdulillah wa Ssyukurillah” bilih menopo wonten ing wekdal enjang puniko kito sedoyo di paringi kesehatan sahinggo kito saget rawuh, saget makempal ing majlis ing kang InsyAllah mubarok niki.

Ingkang kapeng kaleh waosan “ Allahumma sholli ‘Ala sayyidina Muhammad” mugio katur dumateng junjungan agung kito, Nabi Muhammad S.A.W , ingkang kito tansah ajeng-ajeng syafa’atipun eng benjang dinten kiamat, lan mugiyo kito sedanten termasuk golongan umat ingkang angsal syafa’atipun.

Saklajengipun kulo ing mriki bade ngaturaken sekedik bab “ Tholabul Ilmi “.

Poro rawuh ingkang kawulo hormati!

Ing wekdal enjang puniki kulo lan panjenengan sedoyo, ninggalaken griyo, ninggalaken aktifitas ingkang biasanipun di laksanaken, kangge rawuh, lan makempal kanggge mirengaken pengaosan. Mas, mbak, ing enjeng wekdal meniki kito samio niat ngaji, niat ngibadah dateng ngarsanipun Allah S.W.T, keranten pancen kito sedoyo niku tiyang Islam, lha tiyang islam niku dipun wajibaken madosi ilmu. Kanjeng Nabi dawuh;

طلب العلم فريضة علي كل مسلم والمسلمةٍ

Ingkang artosipun

Madosi ilmu nikui dipun wajibaken /fardhuaken tumerap saben-saben tiyang islam jaler lan estri.

Sangking hadits puniko, sampun jelas geh. Nek madosi ilmu niku merupakan proses engkang serba terus menerus mboten wonten batasan wekdal, wonten pundi mawon lan sanes-sanesipun. Dados senajan tiyang niku mpun sepuh, mpun untune entek, geh taseh dipun wajibaken madosi ilmu ngantos sedo, ngantos di kubur.

Poro rawuh ingkang kawulo hormati!

Tiyang niku nek mboten gadah ilmu, mas, mbak niku ngibadahi kirang sae ing ngarsani Gusti Allah. Senajan tiyang niku ngibadahe sregep, mempeng, nek mboten gadah ilmu niku geh tiwas bal geduwal.

و كلُّ منْ بِغَيرِعلم يعْملُ اعما لهُ مرْ دودةٌ لا تقْبلُ

Tiyang niku nek mboten gadah ilmu meniko , ngamalipun kurang sae dening Allah Ta’ala, Marduudatun la tuqbalu, pramilo sangkeng meniko monggo poro rawuh sedoyo, terutami kito sedoyo generasi muda-mudi, monggo kito tingkataken anggen kito sinau, supados benjang angsal ilmu ingkang katah lan manfaat soho ilmu ingkang saget beto bahagia  lan wilujeng donyo akhirat. Niki cocok kalian dawuhipun Allah S.W.T teng Al-Quran surat Al-Mujadalah ayat 11;

يرفع الله الذين ا منوا منكم والذين اوتوا العلم درجا ت

Arto sipun;

Allah bade ngangkat derajatipun tiyang-tiyang ingkang beriman lan tiyang-tiyang ingkang gadahi ilmu dateng pinten-pinten derajat.

Tapi sakwangsulanipun nek kito mboten anggadahi ilmu, boten saget ngaji lan mboten belajar lan sekolah, tenggriyo namung klimprak-klimpruk, niku geh mboten patut, sampun ketinggalan jaman. Solae sakniki mpun katah sekolah, mpun katah tempat pendidikan . pramilo monggo kito sedoyo tingkataken anggen kito belajar, pados ilmu ingkang katah. Soho dumateng poro mahasiswa-mahasiswi IAIN seng gadah adek tenggrio, ojo sampe gadah adek seng mboten purun sekolah, mboten purun ngaji, mboten purun teng masjid. Keranten tiyang seng taseh alit niku mboten kenal kaleh ilmu niku geh nyusahaken keluargane. Pramilo panjenengan-panjenengan niki ing kang sampun ngertos tentang keutamaanipun madosi ilmu adek-adek i di pun wurugi , lan didik ingkang saestu supados dados tiyang seng berguna kangge agami , bangsa lan negoro , soho ingkang saget junjung tinggi martabatipun keluargane. Ingkang cocok dawuhipun kanjeng nabi :

خير الناس انفعهم للناس

Artosipun;

Sak bagus-baguse manungso niku , ingkang manfaat mareng manungso liyane.

Kulo kinten cukup semanten ature kawulo, mbok bilih wonten klenta-klentunipun kulo matur, kulo nyuwun pangapunten sak katah-katahipun.

Mangan kupat

Nganggo santen

Nek lia lepat

Nyuwun ngapunten.

اخر الكلام و ب الله التو فق و الهد  ية ثم رضا و الا ناية

و السلا م عليكم ورحمة الله و براكا ته